Federata e Futbollit të Kosovës ka marrë vendim që t’i përjashtoj dy skuadrat të dyshuar për kurdisje nga Liga e Parë.

Bëhet fjalë për Ulpianën dhe Vllazninë e Pozheranit.

Sot gjatë ditës, Komisioni Disiplinor dhe i Etikës i Shkallës së Dytë të FFK-së, ka marrë vendimin përp përjashtimin e dy skuadrat nga Liga e Parë, duke vazhduar garën ne Ligën e Dytë, shkruan Arbresh.info.

Më 11 prill, Komisioni i Garave të FFK-së vendosi që ndeshja e xhiros së 21-të mes Ulpianës dhe Vllaznisë së Pozheranit ishte e kurdisur. Ndeshjen e kishte fituar Vllaznia me rezultatin 4-3.

Vendimi i Komisionit të Garave u konfirmua edhe nga Shkalla e Dytë e FFK-së.

“Klubet futbollistike “Ulpiana” dhe “Vllaznia Pozheran” largohen nga garat e rangut përkatës të Ligës së Parë të Futbollit (Grupi B) të edicionit 2023/24, ashtu që të njëjtit kthehen në rang më të ulët të garave dhe me këtë humbin statusin e anëtarëve të Ligës së Parë për edicionin 2023/24, kurse garat e rregullta nga kampionati vijues 2024/25 i zhvillojnë në Ligën e Dytë të Futbollit”, thuhet në vendimin e Komisionit të Shkallës së Dytë të FFK-së.

Menjëherë pas vendimit të Komisionit të Garave, të dyja klubet kishin mohuar përfshirjen në kurdisje, ndërsa Policia  tanimë ka nisur hetimet. /Arbresh.info/